مرقمها ومستعد اني اتزوجها

اذهب الى الأسفل

مرقمها ومستعد اني اتزوجها

مُساهمة  Admin في الأحد ديسمبر 28, 2008 5:40 am

بسم الله الرحمن الرحيم
السلام عليكم
في يوم من الأيام وأنا جالس في الإستراحه
كان معي واحد من عيال عمي أسمه تركي
كنا نتابع قناة نجوم والخليجيه
ونتفرج على بنات الشام والعراق
ولاتهون أسلحة الدمار الشامل حقت أبو عدي
>>>>>>> مايقصد البرتقاله أبد
قلت: تصدق ياتركي ياولد عمي نفسي تراودني
على حالة عمار
تركي: الله يهديك يبو عكش
وش تبي بالمستورد
قلت: أجل صار فيه مستورد ووطني
تركي: أكيد فيه
قلت: إيدي بسنارك إبن عمي
قال: على قفى من يشيل
بس أنت أعقلها وتوكل
دخلت أحد الشاتات المشهوره
وبدأت بالبحث عن فريسه وطنيه
وبعد أقل من نص ساعه
دخلت برايفت على فريسه
وبالفعل كانت فريسه طازه
ماتعرف في النت شي
ولاعرفت تدخل الشات الي قبل كم يوم
سويت لها ماسنجر وبديت أعلمها
كل شي في بحور الضياع
تحت ستار وغطى واهم
يدعى بالحب
أخذت رقم جوالها
وبدأنا نتكلم يومياً
بديت أسرق قصائد من المجلات
بديت أردد لها كلام معسول
كلام ظاهره العسل
وباطنه السم والغش والخداع
بعد كم شهر قدرت أقنعها
تخرج معي
بدأت الهدايا تنهال لها من كل جهه
فجأه طلبت مني الزواج
قلت: أنا أتزوج وحده مثلك
أعوذبالله
قالت: مو أنت تحبني
قلت: أنا أحب مستحيل
ولو بغيت أتزوج ماراح أتزوجك
قالت: واللي صار بيننا
مين يرضى يتزوجني الحين
قلت: وأنا وش دخلني فيكي
قالو لك عني مصلح إجتماعي
بعدين العلم تطور دبري نفسك
وشوفي لك حل وأنسي رقم جوالي
وأقلبي وجهك
مابقى إلا هي أتزوجك أنتي
مرت الأيام والشهور
وبعد سنه بالتحديد
تقدمت لخطبة بنت عمي
أخت تركي
ومره وأنا في أحد أسواق الرياض
رقمت لي بنت وأخذت الرقم
وعادت ريمه لعادتها القديمه
بدأت أسرق قصائد من المجلات
وأردد كلامي المعسول
وكانت الطامه الكبرى
إن أسلوبها وثقافتها وخيالها الواسع
أعجبني
وبدأت في عشق هالبنت
وجلس يدور في خاطري كم سؤال؟
أنا خاطب أخت تركي وأحب غيرها؟
لو قررت أفسخ الخطوبه وش حجتي قدام الناس؟
كيف أصارح ولد عمي تركي بالموضوع؟
قررت مصارحة تركي بالموضوع
فتحت الموضوع مع تركي وبدأ النقاش
تركي: مجنون أنت ياعكاااااااااش
تحب بنت خانة أهلها وجلست تكلم من وراهم
منت خايف تخونك يوم تتزوجها
قلت: ياأخي هذا الحب
أقدر أتحكم بكل شي
إلأ قلبي مالي عليه سلطان
تركي: عكاااااااااش حنا نبيع مانشتري
ماهو لازم تتزوجها
مثلها مثل غيرها كم شهر وأحذفها على غيرك
قلت: صاحي أنت وألا مجنون
وش اللي نبيع مانشتري
داخل سوق غنم أنت
البنت نويت أتزوجها وأختك الله يستر عليها
تركي: طيب عندي حل بسيط
قلت: هات حلك ياولد العم
تركي : هات رقمها أدق عليها
وصدقني راح تتأكد إنها مثل غيرها
تكلم كل من هب ودب
قلت: طيب وإذا صكت الخط في وجهك
تركي: أنا أخطبها لك ياولد عمي
جلست أقول الرقم لتركي
وبدأت ملامح وجهه تتغير
بداية بالأصفر وصولاً للأحمر
تركي: أنت تتكلم جد وألا تستهبل يبوعكش
قلت: أتكلم جد
تركي : هذا رقم أختي
قلت: أي وحده في خواتك
تركي : اللي أنت خاطبها
بدأت أضرب أخماس في أسداس
وأسترجع كلام تركي حرف حرف
اللي خانة أهلها وقبل كل شي خطيبها
راح ترجع وتخون مره ثانيه
قلت: أختك في بيتكم
وزي مادخلنا بالمعروف نطلع بالمعروف
تركي : عكاااااااااااش مو تقول إنك حبيتها
والحب مالك عليه سلطان
قلت: لا ياولدعمي لاحبيتها ولاشي
الدعوه كلها تهيأت وأوهام
بعدين مو أنت اللي تقول
كلمها كم شهر وأحذفها على غيرك
تركي : طيب ياعكاااااااااش
يمكن البنت عارفتك من البدايه وحابه تستهبل عليك
قلت: الله يهديك ياولد عمي
ماهو أنت اللي تقول حنا ناس نبيع مانشتري
وألا يوم صار الدعوه فيها أختك
صرنا نشتري ولانبيع



( القصه من نسج الخيال والمراد منها حكمه أتمنى
أن يصل مضمونها للجميع وأن تتم الإستفاده منها )


1ـ الغزل وتتبع عورات المسلمين
أصبح شبابنا يفتخرون فيه في مجالسهم
ويذكرون بطولاتهم وصولاتهم
ولا أعلم هل هم ناسين أم متناسين
بإن الله يمهل ولايهمل
2ـ لا أحمل الشاب الخطأ بكامله
فالبنت أيضاً لها نصيب من ذلك الخطأ
3ـ نعم نحن في مجتمع لايرحم ولايغفر الخطأ
ولكن الرجل مع مرور الوقت ينسى مافعل
( رأيي شخصي وكل واحد حر برأيه )
4ـ أعتذر من كل شخص أسمه تركي في المنتدى
5ـ سؤال لك شاب مواطن سعودي مسلم مقيم
في أرضنا الحبيبه


أتمنى أحصل جواب صريح


سؤال موضوعنا هو


س/ هل أنت على إستعداد
أن تتزوج بنت كلمتك جوال؟ ولماذا
avatar
Admin
Admin

المساهمات : 114
تاريخ التسجيل : 15/12/2008

معاينة صفحة البيانات الشخصي للعضو http://klashnkov-187.ahlamontada.net

الرجوع الى أعلى الصفحة اذهب الى الأسفل

رد: مرقمها ومستعد اني اتزوجها

مُساهمة  الجرح في الأحد ديسمبر 28, 2008 11:24 am

يعطيك العافيه على الموضوع
avatar
الجرح

المساهمات : 83
تاريخ التسجيل : 15/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى